Setiap memasuki bulan November, masyarakat Indonesia bersiap menyambut perayaan hari pahlawan yang diperingati setiap tanggal 10 November. Peringatan hari pahlawan merupakan agenda nasional yang diperingati setiap tahunnya untuk menghormati dan mengenang jasa-jasa para pejuang atau pahlawan dalam mempertahankan kemerdekaan.
Pada postingan kali ini, saya ingin membagikan contoh pidato sambutan panitia peringatan hari pahlawan dalam bahasa jawa. Mungkin anda sering menjumpai contoh sambutan seperti ini dalam bahasa Indonesia, namun jarang dijumpai yang menggunakan bahasa jawa. Bagi anda yang membutuhkannya, silahkan anda bisa jadikan contoh di bawah ini sebagai referensi untuk anda gunakan sesuai kebutuhan.
Pidato Sambutan Peringatan Hari Pahlawan (Bahasa Jawa)
Assalamu'alaikum Wr. Wb.
Ingkang kinabekten Bapak Kepala .....
Ingkang kinurmatan sedaya Para tamu undangan.
Para kadang wreda mudha ingkang kula tresnani.
Langkung rumiyin sumangga kula panjenengan ngunjukaken puja-puji pudyasyuti dhumateng ngarsanipun Allah SWT, inggih awit sih nugraha sarta berkahipun, kula panjenengan sedaya saged pinanggih ing papan punika kanthi bagya mulya, kalis ing rubeda.
Selajengipun, kula ingkang minangka wakiling panitia, ngaturaken sugeng rawuh. Mugi-mugi rawuh panjenengan saged adamel nges tuwin regenging swasana. Awit saking punika, kula ngaturaken agenging panuwun dhumateng Bapak Kepala ..... ingkang sampun paring idi palilah murih kaleksananing sedya pengetan Dinten Pahlawan ing kalenggahan wekdal punika. Ugi kula ngaturaken gunging panuwun dhumateng Para Sesepuh Pinisepuh, Para Bapak tuwin Ibu ingkang kepareng paring eguh pratikel murih pratitising adicara punika. Atur panuwun ugi kula aturaken dhumateng sederek panitia, Para Kadang Wreda Mudha, ingkang asung sabiyantu ngantos adicara punika saged lumampah.
Para Bapak, Ibu, sarta Kadang mitra kusumaning bangsa ingkang satuhu bagya mulya. Kados sampun kawuningan ing ngakathah sarta kaseksenan ing donya, bilih rikala tanggal 10 November 1945 ing kutha Surabaya wonten prastawa ageng, inggih punika perangipun arek-arek Surabaya mengsah Walandi. Pangorbanan ingkang boten tidha-tidha awujud bandha tuwin pecahing jaja wutahing ludira kapisungsungaken dhumateng bangsa tuwin nagari murih lestarining kamardikan. Inggih awit wigatosing prastawa punika, pramila pamarentah RI netepaken tanggal 10 November minangka dinten Pahlawan.
Dene wosing gati wigatosing perlu, panjenengan kasuwun rawuh ing pahargyan punika saperlu mengeti dinten ingkang agung punika. Wondene ancas ingkang kinandhut, mugi-mugi pahargyan punika saged dados pecuting lampah ing dinten-dinten ingkang badhe dhateng, ngandelaken tekad mbrastha penjajah, njejegaken kamardikan ngudi wilujenging bebrayan.
Menggah wedharan sajangkepipun mungguhing prastawa ageng 10 November ing Surabaya, punika mangke kababar dening Panjenenganipun Bapak/ Ibu ..... (Narasumber/ Pembicara). Mugi-mugi kanthi wedharan punika mangke, mliginipun para kadang wredha mudha tumanggap ing karya bilih labuh lebetipun para satriya kusumaning bangsa rikala semanten sanyata boten entheng. Ingkang tundhonipun saged nglajengaken semangatipun. Boten agaman bedhil, nanging alelandhesan pikir ngukir bangsa tumuju nagari ingkang majeng, adil, makmur lahir batin.
Awit saking punika, kanthi ngagungaken asmaning Gusti Allah, Bismillaahirrahmaanirrahiim, pengetan dinten Pahlawan 10 November wekdal punika kula pratelakaken kawiwitan.
Ing wasana, sugeng mriksani lan midhangetaken ngantos paripurnaning adicara. Namung kemawon atur kula, mbok bilih lampahing adicara punika kirang mranani, panitia nyuwun gunging samodra pangaksami. Dene kula pribadi ugi nyuwun lumunturing sih samodra pangaksami menggah solah bawa dalah panataning basa ingkang tebih saking tata krama tuwin paramasastra.
Wassalamu'alaikum Wr. Wb.
Demikianlah contoh teks pidato sambutan peringatan hari pahlawan 10 November dalam bahasa Jawa. Semoga bermanfaat.
Wassalamu'alaikum Wr. Wb.
Demikianlah contoh teks pidato sambutan peringatan hari pahlawan 10 November dalam bahasa Jawa. Semoga bermanfaat.